Karlovı Varı Beynəlxalq Kinofestivalında 9 saatlıq film nümayiş olunacaq
Praqa, 4 iyul, AZƏRTAC
59-cu Karlovı Varı Beynəlxalq Kinofestivalında (KIFF) ən qısa film üç dəqiqə, ən uzun çəkən film isə doqquz saatdan çox davam edəcək.
AZƏRTAC xəbər verir ki, müsabiqə bölmələrindəki filmlərin əksəriyyəti dünya və ya Avropa premyeraları çərçivəsində nümayiş etdiriləcək. Festivalın bədii rəhbəri Karel Ox bildirib ki, nümayiş proqramına 132 tammetrajlı film daxildir.
Oxun sözlərinə görə, festivalda ən qısa ekran əsəri üç dəqiqəlik Zvířomuzikál (çex dilində başlıq) alman uşaq filmi olacaq. Ən uzun çəkən filmlər kateqoriyasına Holokostun bilavasitə iştirakçılarının müsahibələrindən ibarət Klod Lanzmanın monumental epik “Şoa” sənədli filmi daxildir. Doqquz saatdan çox davam edən film festivalda iyulun 4-ü, 12-si nümayiş olunacaq.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
