Keçən ay qazapaylayıcı şəbəkəyə texniki sənədləşdirmə aparılmadan 2 qeyri-qanuni qoşulma faktı aşkarlanıb
Bakı, 11 mart, AZƏRTAC
Fevral ayında Enerji Məsələlərini Tənzimləmə Agentliyi (AERA) tərəfindən 121 razılaşdırılmış layihəyə əsasən tikintisi başa çatdırılmış sənaye təbii qaz qurğularının istismarına icazə verilib.
Agentlikdən AZƏRTAC-a bildirilib ki, ay ərzində qaz təchizatı üçün layihə sənədləri ekspertiza edilmiş və razılaşdırılmış tikinti obyektlərinin sayı 353 olub. Aşkar olunmuş çatışmazlıq səbəbindən qaz qurğularına aid 1 layihə sənədinin razılaşdırılmasından imtina edilib.
Qazapaylayıcı şəbəkəyə texniki sənədləşdirmə aparılmadan 2 qeyri-qanuni qoşulma faktı aşkar edilib. Agentlik tərəfindən 29 inzibati xəta haqqında protokol tərtib edilib və qərar verilib.
Bölmənin digər xəbərləri
