Kəngərli rayonu ərazisində xidmət edən əsgərlərə sovqat aparılıb
Kəngərli, 1 avqust, AZƏRTAC
Muxtar respublikada xalq-ordu birliyinə nümunə olaraq torpaqlarımızın keşiyini çəkən əsgərlərimizə meyvə-tərəvəz sovqatlarının göndərilməsi davam etdirilir.
AZƏRTAC-ın Naxçıvan bürosu xəbər verir ki, Şərur rayonunun ayrı-ayrı yaşayış məntəqələrindən ailə təsərrüfatçıları, fermer və sahibkarlar tərəfindən Milli Ordumuzun əsgərlərinə meyvə-tərəvəz məhsulları göndərilir. Bu nəcib təşəbbüsün davamı olaraq rayonun Zeyvə kənd sakini Nemət Rzayev və Havuş kəndindən Fikrət Əhmədov tərəfindən 5 ton kartof Kəngərli rayonu ərazisində xidmət edən əsgərlərimizə sovqat kimi aparılıb.
Hərbi hissənin zabiti mayor Nurlan Babayev mənəvi dəstəyə görə minnətdarlıq edib.
Gətirilən kartof sovqatı hərbi hissənin anbarına təhvil verilib.
Bölmənin digər xəbərləri
