“Keşlə” klubu Topaz Premyer Liqasını qələbə ilə başa vurub
Bakı, 11 may, AZƏRTAC
Mayın 11-də futbol üzrə Topaz Premyer Liqasının sonuncu - XXVIII turuna “Səbail”-“Keşlə” oyunu ilə start verilib.
AZƏRTAC xəbər verir ki, “ASCA Arena”da keçirilən oyun autsayderin qələbəsi ilə yekunlaşıb - 4:1.
“Keşlə”nin heyətində Andre Klenno, Edvinas Girdvainis, Samir Məsimov və Conatan Ayite fərqləniblər. “Səbail”in qolunu isə Oke Akpoveta vurub.
Qələbə ilə xallarının sayını 23-ə çatdıran “Keşlə” turnir cədvəlində sonuncu pillədə qurtula bilməyib. “Səbail” isə 41 xalla üçüncü pillədə yer alıb və ölkə çempionatının bürünc medalına sahib olub.
Bölmənin digər xəbərləri
