KİKBOKSİNQ ÜZRƏ ÖLKƏ ÇEMPİONATI BAŞA ÇATMIŞDIR
Bakı, 13 aprel (AZƏRTAC). Bakı İdman Sarayında keçirilən kikboksinq üzrə Azərbaycan çempionatı başa çatmışdır. Ən yüngül çəki dərəcəsində ölkə çempionu Nicat Hüseynov (51 kq) olmuşdur. Emil Kərimov (54 kq) və Sərxan Mədətov (57 kq) fəxri kürsünün ən yüksək pilləsinə qalxmışlar.
Dəfələrlə dünya və Avropa çempionu Eduard Məmmədov (60 kq) öz çəki dərəcəsində yenə də ən güclü idmançı sayılmışdır. Ramal Aslanov (63 kq), Ruslan Orucov (67 kq), Elmar Mürsəlov (71 kq), Kamil Şərifov (75 kq), Avropa kəmərinin sahibi Ehram Məcidov (81 kq), Samir Kazımov (86 kq), Anar Məmmədov (91 kq), Hafiz Bağşəliyev (91 kq-dan yuxarı) da Azərbaycan çempionu adına layiq görülmüşlər.
“Neftçi” idman cəmiyyətinin təmsilçiləri komanda hesabında birinci yerə çıxmışlar. Ölkə çempionatının yekunlarına əsasən, yayda İspaniyada keçiriləcək dünya çempionatında iştirak edəcək milli yığmamızın tərkibi müəyyən olunmuşdur.
Bölmənin digər xəbərləri
