Kim Çen In Koreya Fəhlə Partiyasının baş katibi seçilib
Pekin, 11 yanvar, AZƏRTAC
Koreya Xalq Demokratik Respublikası Dövlət Şurasının sədri Kim Çen In ölkənin hakim Koreya Fəhlə Partiyasının (KFP) baş katibi seçilib.
AZƏRTAC Yonhap agentliyinə istinadla xəbər verir ki, seçki partiyanın paytaxt Pxenyanda davam edən 8-ci qurultayında keçirilib. Bununla da Kim Çen In atası Kim İr Sendən sonra KFP-nin boş qalan baş katibi vəzifəsini tutmaqla, rəsmi də olsa hakimiyyətini bir az da möhkəmləndirib.
Partiyanın qurultayında Mərkəzi Komitənin və onun siyasi bürosunun üzvləri də seçilib. Bundan başqa, ölkənin qarşıdakı 5 il üçün siyasi, hərbi, iqtisadi və diplomatik sahələr üzrə əsas fəaliyyət istiqamətləri müəyyən edilib.
Qeyd edək ki, KXDR-in lideri Kim Çen Inın atası Kim İr Sen 2011-ci ildə vəfat edib. Partiyanın 2012-ci ildə qəbul etdiyi qərarla Kim İr Sen əbədi baş katib, Kim Çen In isə 1-ci katib elan olunmuşdu.
Kim Çen In hazırda KXDR Dövlət Şurasının Sədri, Koreya Xalq Ordusunun Ali Baş Komandanı vəzifələrini də tutur.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
