Kir Starmer istefa verməyəcəyini təkrarlayıb
Bakı, 12 may, AZƏRTAC
Böyük Britaniyanın Baş naziri Kir Starmer çərşənbə axşamı nazirlərə bildirib ki, Leyboristlərin son seçkilərdəki məğlubiyyəti ilə bağlı artan təzyiqlərə və istefa tələblərinə baxmayaraq, idarəetməni davam etdirəcək.
AZƏRTAC BBC telekanalına istinadla xəbər verir ki, Nazirlər Kabinetinin iclasında çıxış edən Starmer Vestminster üçün sabitliyi pozan bir dövrdən sonra hökuməti sabitləşdirməyə çalışıb.
O, nazirlərə deyib: “Dünən dediyim kimi, bu seçkinin nəticələrinə görə və vəd etdiyimiz dəyişikliyi həyata keçirmək üçün məsuliyyəti öz üzərimə götürürəm. Son 48 saat hökumət üçün qeyri-sabit olub və bunun ölkəmiz, britaniyalı ailələr üçün real iqtisadi maliyyəti var. Ölkə bizdən idarəetmə ilə məşğul olmağı gözləyir. Mən bunu edirəm və Nazirlər Kabineti olaraq bunu etməliyik”.
Starmerin bu bəyanatı partiyanın yerli seçkilərdə uğursuzluğundan sonra Leyboristlərin daxilində artan tənqidlər fonunda verilib.
Artıq Starmerin komandasından bir nazir istefa verib və Baş naziri ya dərhal istefa verməyə, ya da vəzifədən getmək üçün vaxt cədvəli hazırlamağa çağıran 70-dən çox Leyborist millət vəkilinə qoşulub.
Bölmənin digər xəbərləri
