Kişi basketbolçulardan ibarət Azərbaycan yığması Türkiyənin “Buca Belediyesi” komandasını məğlub edib
Bakı, 17 mart, AZƏRTAC
Kişi basketbolçulardan ibarət yığma komandamızın Türkiyənin İzmir şəhərində təlim-məşq toplanışı uğurla davam edir.
AZƏRTAC xəbər verir ki, millimizin baş məşqçisi Samit Nuruzadənin yetirmələri növbəti yoxlama oyununda Türkiyənin "Buca Belediyesi" basketbolçularına 89:65 hesabı ilə qalib gəliblər.
Qeyd edək ki, oyunda yığmamızın üç basketbolçusu Amil Həmzəyev (20 xal, 12 ribaund), Fikrət Ələkbərov (12 xal, 10 assist) və Coşqun Əliyev (12 xal, 4 top oğurlama) fərqləniblər.
Bölmənin digər xəbərləri
