Kitabxana oxucuların kitaba olan marağını daha da artırmaq üçün maraqlı layihəyə başlayıb
Bakı, 13 iyul, AZƏRTAC
Bakı Şəhər Mədəniyyət Baş İdarəsi Nərimanov rayon Mərkəzləşdirilmiş Kitabxana Sisteminin Mərkəzi Kitabxanası yay aylarında oxuculara yeni layihə ilə bağlı müraciət edib.
İdarədən AZƏRTAC-a bildirilib ki, tətilə buraxılan məktəblilər, yuxarı sinif şagirdləri, müxtəlif yaş qruplarından olan oxucular köhnəlmiş, sıradan çıxmış dərslik, dərs vəsaiti, testləri və s. gətirib kitabxanaya təhvil verməklə təzə, maraqlı kitablar əldə edə biləcəklər.
Layihənin əsas məqsədi təbiəti qorumaq, kitaba olan marağı daha da artırmaq, oxucuların asudə vaxtını daha da səmərəli təşkil etməkdən ibarətdir. Təhvil alınan kağız kütləsinin “Təkrarxammalehtiyat” İB-nə verilməsi nəzərdə tutulub.
Bölmənin digər xəbərləri
