KOMİSSİYANIN QANUNVERİCİLİK FƏALİYYƏTİ MÜZAKİRƏ EDİLMİŞDİR

17.02.2004 [18:03]
Çap et
A⁺ A^-

AZƏRTAC xəbər verir ki, Milli Məclisin insan hüquqları daimi komissiyasının fevralın 17-də keçirilən iclasında 2003-cü ilin payız sessiyasında komissiyanın qanunvericilik fəaliyyətinin yekunları müzakirə edilmişdir. Komissiyanın sədri Sirus Təbrizli, habelə deputatlar bildirdilər ki, ötən sessiyada insan huquq və azadlıqları ilə bağlı bir sıra qanun layihələri işlənib hazırlanmış və Milli Məclisə təqdim edilmişdir. Komissiya üzvləri qəbul olunmuş qanunların ölkəmizin demokratik prinsiplər əsasında inkişafı üçün zəruri olduğunu vurğuladılar. Eyni zamanda, bildirildi ki, komissiya payız sessiyasında 782 ərizə və şikayət məktubuna baxmış, qaldırılan məsələlərin həllinə kömək göstərmişdir.

Müzakirələrdən sonra komissiyanın fəaliyyəti qənaətbəxş hesab edilmişdir.

İclasda, həmçinin insan hüquqları daimi komissiyasının 2004-cü ilin yaz sessiyası üçün iş planı müzakirə olunaraq qəbul edilmişdir.

Komissiyanın iclasında “Minimum yaşayış səviyyəsi haqqında” qanunun layihəsi barədə məsələ də müzakirə edilmişdir. Komissiya üzvləri həmin qanun layihəsinə öz münasibətlərini bildirdikdən sonra bu sənədi Milli Məclisə təqdim etmək qərara almışdır.

İclasda Azərbaycan Respublikasının Cinayət Prosessual Məcəlləsinin tətbiqi ilə əlaqədar bəzi qanunvericilik aktlarına dəyişiklik və əlavələr edilməsi haqqında qanun layihəsini Milli Məclisin müzakirəsinə təqdim etmək qərara alınmışdır.

KOMİSSİYANIN QANUNVERİCİLİK FƏALİYYƏTİ MÜZAKİRƏ EDİLMİŞDİR

MÜƏLLİFLƏ ƏLAQƏ

Bölmənin digər xəbərləri