Komitə sədri: Ermənistan Xocalıda etdiyi vəhşiliyi bu gün əsgərlərimizin üstündə təkrarlayır
Bakı, 14 aprel, AZƏRTAC
Qeyri-sabit hava şəraiti ilə əlaqədar əsir götürülən əsgərimizə işgəncələr verilməsi ermənilərin və Ermənistanın simasını dünyaya növbəti dəfə bəyan etdi.
AZƏRTAC xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib. Onun sözlərinə görə, bütün bunlar beynəlxalq konvensiyalara, sənədlərə ziddir: “Ermənistan Xocalıda etdiyi vəhşiliyi bu gün əsgərlərimizin üstündə təkrarlayır. Nəinki təkrarlayır, həm də dünyaya çəkib göstərir. Onlar silahsız, əlibağlı əsgərimizə olan işgəncəni çəkib göstərməklə müharibədəki məğlubiyyətini kompensasiya etməyə çalışır. Bu, qətiyyətlə pislənilir. Bu cinayəti törədənlər cavab verməli olacaqlar. Onlar hər hansı əməliyyatı yerinə yetirmirdilər. Baş verənlər insanlıq əleyhinə törədilmiş cinayətlər sırasındadır. Azərbaycan xalqı və cəmiyyəti bunu nifrətlə qınayır”.
Bölmənin digər xəbərləri
