“Kömür” filmi “TRT2” kanalında Azərbaycan dilində nümayiş edilib
Ankara, 22 iyun, AZƏRTAC
Türkiyənin nüfuzlu “TRT2” televiziya kanalı “Kömür” bədii filmini Azərbaycan dilində nümayiş etdirib.
AZƏRTAC xəbər verir ki, “Kömür” bədii filmi tanınmış kinorejissor İsmail Monsef tərəfindən Azərbaycan türkcəsində çəkilib. Filmin çəkiliş dilində, türkcə alt yazı ilə Türkiyədə efirə çıxması böyük maraqla qarşılanıb.
“Kömür” bədii filmi İranın Azərbaycan vilayətlərindən birində, kənddə yaşayan azərbaycanlı ailənin həyat dramıdır. Zəhmətkeş bir azərbaycanlı ailəsinin qarşılaşdığı problemdən efir əsəri yaradan rejissor filmdə milli dəyərləri, ənənələri, dilin şirinliyini, həyat gerçəkliklərini böyük ustalıqla lentə ala bilib.
Qeyd edək ki, “Kömür” bir sıra beynəlxalq film festivallarında, o cümlədən İranın “Fəcr” Beynəlxalq Film Festivalında iştirak edib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
