KOREYA NÜMAYƏNDƏ HEYƏTİNİN SƏFƏRİ BAŞA ÇATDI
İQTİSADİ İNKİŞAF NAZİRLİYİNDƏ BİRGƏ MƏTBUAT KONFRANSI
İqtisadi inkişaf nazirinin müavini Niyazi Səfərov Koreya Respublikasının nümayəndə heyəti ilə keçirilmiş görüşlər, müxtəlif sahələr üzrə aparılmış danışıqlar barədə məlumat vermiş, bu danışıqların ikitərəfli əlaqələrin inkişafında mühüm rol oynayacağını diqqətə çatdırmışdır.
Prezident İlham Əliyevin yeritdiyi uğurlu daxili və xarici siyasət sayəsində ölkədə hökm sürən siyasi-iqtisadi sabitliyin beynəlxalq aləmdə Azərbaycana böyük maraq oyatdığını vurğulayan N.Səfərov bildirmişdir ki, Koreya Respublikasının müxtəlif dövlət və özəl şirkətlərinin 70-ə yaxın təmsilçisinin Azərbaycana gəlməsi buna əyani sübutdur.
O, tərəflərin səyləri nəticəsində belə görüşlərdən konkret nəticələr əldə olunacacağına ümidvar olduğunu qeyd etmişdir.
Koreya Respublikası nümayəndə heyətinin rəhbəri, ticarət, sənaye və energetika nazirinin müavini Li Von Qul Azərbaycana səfərdən razı qaldıqlarını bildirmiş, Sumqayıtdakı neft-kimya zavodları, dənizdə yerləşən “İnam” yatağı ilə bağlı aparılmış danışıqlar haqqında məlumat vermişdir.
Sonda jurnalistləri maraqlandıran suallar cavablandırılmışdır.
Bölmənin digər xəbərləri
