Kür və Araz transsərhəd çaylarında monitorinqin nəticələri açıqlanmışdır
Bakı, 15 oktyabr (AZƏRTAC). Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti tərəfindən Kür və Araz transsərhəd çaylarında oktyabr ayının birinci ongünlüyü üçün monitorinq keçirilmişdir.
Nazirliyin mətbuat xidmətindən AzərtAc-a bildirmişlər ki, monitorinqin nəticələrinə əsasən, Kür çayında su sərfi sentyabr ayının üçüncü ongünlüyünə nisbətən saniyədə 23.6 kubmetr artmışdır.
Gürcüstan və Ermənistan ərazilərindən təmizlənmədən axıdılan məişət tullantıları və sənaye müəssisələrinin çirkab sularının təsiri nəticəsində Kür çayında və onun qollarında biogen maddələrin miqdarının normadan dəfələrlə artıq olduğu müəyyən edilmişdir.
Eyni hal Araz çayının Horadiz, Birinci Şahsevən və Bəhrəmtəpə məntəqələrində də müşahidə olunmuşdur.
Suyun oksigen rejimi isə bütün məntəqələrdə sanitar norma daxilində dəyişmişdir.
Bölmənin digər xəbərləri
