Küveytdə hərbi baza raket və PUA hücumuna məruz qalıb, 10 hərbçi yaralanıb
Qahirə, 29 mart, AZƏRTAC
Küveyt Silahlı Qüvvələrinə məxsus hərbi bazalardan birinin raketlər və pilotsuz uçuş aparatları (PUA) ilə hədəfə alınması nəticəsində 10 hərbçi yaralanıb.
AZƏRTAC xəbər verir ki, bu barədə Küveyt Silahlı Qüvvələrinin açıqlamasında bildirilib.
Açıqlamada qeyd olunub ki, hücum zamanı bazaya maddi ziyan dəyib. Yaralanan hərbçilərə tibbi yardım göstərilib.
Küveyt Ordusunun məlumatına görə, son 24 saat ərzində Küveyt hava məkanında 14 ballistik raket və 12 PUA zərərsizləşdirilib.
Məlumatda, həmçinin vurğulanıb ki, mövcud vəziyyət fonunda ölkənin hava hücumundan müdafiə sistemləri gücləndirilmiş rejimdə fəaliyyətini davam etdirir.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
