Laçın sakini: Bu yaşımda doğma torpaqları yenidən görmək çox gözəldir
Bakı, 30 mart, AZƏRTAC
Hazırda 82 yaşım var. Düşünürəm ki, bu yaşımda doğma torpaqları yenidən görmək, ora qayıtmaq, yaşamaq çox gözəldir. Mən həmişə bu günü arzulayırdım. Şükürlər olsun Allaha ki, mənə bu günləri qismət elədi.
Bu sözləri martın 30-da Bakının Qaradağ rayonundan doğma yurduna yola salınan keçmiş məcburi köçkün, Laçın şəhər sakini Bulud Hüseynov AZƏRTAC-a açıqlamasında söyləyib.
“Doğma Laçın məni özünə çəkir. Elimizə, obamıza - Laçınımıza qayıtmaq məni də, ailəmi də hədsiz sevindirir. Bizə bu günləri yaşadan Ali Baş Komandan İlham Əliyevə öz minnətdarlığımı bildirirəm. Qəhrəmanlıq göstərərək Vətən uğurunda şəhidlik zirvəsinə yüksələnlərə Allahdan rəhmət diləyirəm. Şəhid ailələrinin əllərindən öpürəm”, - deyə Laçın sakini bildirib.
Bölmənin digər xəbərləri
