Latviya və Azərbaycan İKT sektorunda qarşılıqlı əməkdaşlığa maraqlıdır
Bakı, 21 oktyabr, AZƏRTAC
Latviya və Azərbaycan İKT sektorunda qarşılıqlı fayda əldə edə bilər.
AZƏRTAC xəbər verir ki, bunu Latviya Ticarət və Sənaye Palatasının (LCCI) yeni təyin olunmuş sədri Katrina Zarina "Central Baltic - Azerbaijan Business forum & Gala Event" tədbirində deyib.
"Hazırda Latviya ilə Azərbaycan arasında ticarət əlaqələri inkişaf edir. Biz görürük ki, Azərbaycan imkanlar axtarır və getdikcə qeyri-neft sektorlarına sərmayələr yatırır. Son illər biz informasiya-kommunikasiya texnologiyaları sahəsində, eləcə də davamlı inkişaf və ətraf mühitin mühafizəsi ilə bağlı çox şey öyrənmişik. Düşünürəm ki, bu sahələr Azərbaycan şirkətlərini də maraqlandırır və biz orada hər kəs üçün qarşılıqlı fayda əldə edə bilərik”, - deyə K.Zarina əlavə edib.
Bölmənin digər xəbərləri
