Lənkəranda “Məşğulluğa dəstək layihəsi”nə dair ictimai dinləmə keçiriləcək
Bakı, 3 oktyabr, AZƏRTAC
Əmək və Əhalinin Sosial Müdafiəsi Nazirliyi tərəfindən və Dünya Bankının maliyyə dəstəyi ilə həyata keçirilən “Məşğulluğa dəstək layihəsi” çərçivəsində Lənkəran şəhərində ictimai dinləmə keçiriləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, tədbirdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər, proqramın gözlənilən faydaları, müraciət və iştirak qaydalarına dair ətraflı məlumat veriləcək.
İctimai dinləmə 2023-cü il oktyabrın 5-də saat 12:00-da nazirliyin tabeliyindəki Dövlət Məşğulluq Agentliyinin Lənkəran-Astara Regional Məşğulluq filialında (Lənkəran şəhəri, H.Z.Tağıyev küçəsi, 118 A) keçiriləcək.
Bölmənin digər xəbərləri
