“LİTERATURNAYA QAZETA”NIN BAŞ REDAKTORUNUN MƏTBUAT KONFRANSI
Y.Polyakov səfərinin Bakı Slavyan Universitetinin rektoru, professor Kamal Abdullayevin təşəbbüsü ilə onun Azərbaycan dilində nəşr edilmiş “Süddə çəpiş” satirik romanının təqdimat mərasiminin keçirilməsi ilə bağlı olduğunu bildirmişdir. O demişdir ki, keçmiş SSRİ-də Qorbaçovun yenidənqurma siyasəti dövründən müstəqil Rusiyada Ali Sovetin gülləbaran edildiyi vaxtaqədərki zaman kəsimini əhatə edən bu kitab müxtəlif, o cümlədən xarici nəşriyyatlar tərəfindən 500 mindən çox tirajla buraxılmışdır.
Y.Polyakov mədəniyyət və turizm naziri Əbülfəs Qarayev ilə görüşündə 2001-ci ildən rəhbərlik etdiyi qəzetin burada satışının təşkili məsələsinə toxunulduğunu söyləmiş və bunun yaxın zamanda müsbət həllini tapacağına əminliyini bildirmişdir.
Qonaq KİV nümayəndələrinin suallarına da cavab vermişdir.
Bölmənin digər xəbərləri
