LİVİYA DÜNYA ŞAHMAT ÇEMPİONATININ KEÇİRİLMƏSİNƏ 2,2 MİLYON DOLLAR AYIRIR
Müqavilədə turnirin müddəti də qəti müəyyən edilmişdir – çempionat 2004-cü il iyunun 18-dən iyulun 13-dək keçiriləcəkdir. 128 şahmatçının iştirak edəcəyi birinciliyin mükafat fondu 1 milyon 580 min dollardır.
İndi şahmatçıların dünya birinciliyinin – “FİDE-nin nokaut sistemi üzrə dünya çempionatı”nın qalibi “Qəzzafinin qızıl kuboku”nu alacaqdır. Çempionatda ilk rəmzi gedişləri Müəmmər Qəzzafi, İtaliyanın Baş naziri Silvio Berluskoni və buddaçıların ruhani lideri Dalay-lama edəcəklər.
Azərbaycan Şahmat Federasiyasından AZƏRTAC-ın müxbirinə bildirmişlər ki, çempionatda Teymur Rəcəbovun, Şəhriyar Məmmədyarovun və Qədir Hüseynovun da iştirakı nəzərdə tutulur.
Bölmənin digər xəbərləri
