Los-Ancelesdə meteoroloji müşahidələr dövründə ən yüksək temperatur qeydə alınıb
Bakı, 7 sentyabr, AZƏRTAC
Sentyabrın 6-da ABŞ-ın Kaliforniya ştatında yerləşən Los-Anceles şəhərində havanın hərarəti 49,4 dərəcəyə yüksəlib.
AZƏRTAC xəbər verir ki, ABŞ Milli Meteorologiya Xidmətinin məlumatına görə, bu, müşahidələr dövrü ərzində şəhərdə qeydə alınan ən yüksək temperaturdur. Rekord yerli vaxtla günorta saatlarından sonra Los-Ancelesin şimal-qərb rayonunda qeydə alınıb. Şəhərdə əvvəlki maksimum temperatur 2006-cı il iyulun 22-də müşahidə edilmişdi - 48,3 dərəcə.
Proqnozlara əsasən, yaxın günlərdə havanın hərarəti artmağa davam edə və yaxın zamanlarda həmin rayonda yeni rekordlar müəyyən edilə bilər.
Kaliforniya ştatının elektrik şəbəkəsi anomal istilər səbəbindən elektrik enerjisində problemlərin ola biləcəyi barədə xəbərdarlıq edib. Sutka ərzində 9 milyona yaxın insanın elektrik təminatında problemlər yarana bilər.
Bölmənin digər xəbərləri
