Luvr muzeyi qarətdən sonra fəaliyyətini bərpa edib
Bakı, 20 oktyabr, AZƏRTAC
Parisin məşhur Luvr muzeyi oktyabrın 19-da baş verən “əsrin soyğunundan” sonra fəaliyyətini bərpa edib.
AZƏRTAC xəbər verir ki, BFMTV telekanalı bu barədə muzeyin mətbuat xidmətinə istinadla məlumat yayıb. Məlumata görə, muzeyin bəzi bölmələri hələlik ziyarətçilərə bağlı qalacaq.
Qeyd edək ki, oktyabrın 19-da “Luvr” muzeyində törədilən qarət zamanı “Fransa taxtının inciləri” saxlanılan qalereyadan səkkiz ədəd zinət əşyası oğurlanıb. Soyğunçular hadisə yerindən qaçmağı bacarıblar.
Fransa Prezidenti Emmanuel Makron muzeydəki dəyərli eksponatların tapılacağına və “günahkarların məhkəmə qarşısına çıxarılacağına” əminliyini ifadə edib.
Bölmənin digər xəbərləri
