Magistraturaya qəbul olunanlar təhsil müəssisələrində qeydiyyatdan keçərkən əyani və ya qiyabi təhsil alma formasını artıq özləri seçəcəklər
Bakı, 13 iyul (AZƏRTAC). Magistraturaya qəbul olunanlar təhsil müəssisələrində qeydiyyatdan keçərkən əyani və ya qiyabi təhsil alma formasını arzularına uyğun olaraq artıq özləri seçəcəklər.
AZƏRTAC xəbər verir ki, bu sözləri iyulun 13-də keçirdiyi mətbuat konfransında Tələbə Qəbulu üzrə Dövlət Komissiyası sədrinin müavini Namiq Babayev söyləmişdir. O, həmçinin bildirmişdir ki, cari ildə ali təhsil müəssisələrinin magistraturalarına ayrılmış 6 min 21 plan yerinə ümumilikdə 18 min 19 bakalavr ərizə vermişdir. Onlardan hər iki mərhələ üzrə müvafiq müsabiqə şərtlərini ödəyən 5 min 18 bakalavr ali təhsil müəssisələrinin magistraturalarına qəbul olunmuşdur.
Bölmənin digər xəbərləri
