Mahmud Vaezi: İran ilə Azərbaycanın əməkdaşlıq əlaqələri gündən-gündə möhkəmlənir
Tehran, 17 iyun, AZƏRTAC
İran və Azərbaycan prezidentlərinin siyasi iradəsi nəticəsində iki dövlət arasındakı qarşılıqlı münasibətlərdə heç bir problem yoxdur və əlaqələrimiz müxtəlif sahələr üzrə yüksələn xətlə inkişaf edir.
AZƏRTAC xəbər verir ki, bu sözləri İranın Prezident Administrasiyasının rəhbəri Mahmud Vaezi yerli mətbuata açıqlamasında deyib. O bildirib ki, əməkdaşlıq əlaqələri gündən-günə möhkəmlənir. Hazırda iki ölkənin dövlət və özəl sektorları birgə iqtisadi layihələri icra etməkdədirlər və bunların uğurla başa çatacağı gözlənilir.
M. Vaezi diqqətə çatdırıb ki, hər iki ölkənin daha geniş əməkdaşlıq əlaqələri qurmaq üçün böyük potensialları var və bundan istifadə etmək lazımdır.
Administrasiya rəhbəri Azərbaycanın ərazilərinin işğaldan azad edilməsinin əhəmiyyətinə də toxunub. Bildirib ki, İran bu ərazilərin bərpası prosesində iştirak etməyə hazırdır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
