Maimuna Mohd Şərif: QHT-lər insanlar, siyasət və praktika arasında əlaqələndirici qüvvədir
Bakı, 19 may, AZƏRTAC
Qlobal çağırışların həlli istiqamətində effektiv qərar qəbuletmə prosesi inklüziv tərəfdaşlıqların və vətəndaş cəmiyyətinin fəal iştirakının gücləndirilməsini tələb edir. WUF13 vətəndaş cəmiyyəti nümayəndələrini, yerli icma liderlərini və beynəlxalq tərəfdaşları ortaq problemlərin müzakirəsi üçün bir araya gətirir. Bu gün tərəfdaşlıq mexanizmləri qərar qəbuletmə prosesinə birbaşa təsir göstərir. Sürətli urbanizasiya fonunda mənzil təminatı, sosial bərabərsizlik və iqlim dayanıqlılığı məsələləri insanların gündəlik həyatına birbaşa təsir edir.
AZƏRTAC xəbər verir ki, bu fikirləri Qaçqınlar üzrə Ali Komissarlığının (UNHCR) sabiq icraçı direktoru, hazırda Malayziya hökumətinin dayanıqlı urbanizasiya üzrə müşaviri, Kuala Lumpurun sabiq meri Maimuna Mohd Şərif “QHT Forumu: Qlobal tərəfdaşlıqlar və qərarvermə” mövzusunda keçirilən tədbirdə söyləyib.
Maimuna Mohd Şərif bildirib ki, QHT-lər yalnız qlobal forumların iştirakçısı deyil, həm də insanlar, siyasət və praktika arasında əlaqələndirici qüvvədir: “Vətəndaş cəmiyyəti təşkilatları hökumətlər, beynəlxalq təşkilatlar, özəl sektor və yerli icmalar arasında mühüm körpü rolunu oynayır. Yalnız dövlət və özəl sektor deyil, insanlar da bu tərəfdaşlığın əsas hissəsi olmalıdırlar”.
Bölmənin digər xəbərləri
