Komitə sədri: Mənzil təminatı əldə etməyə çalışdığımız hədəflərin mərkəzində dayanır
Bakı, 19 may, AZƏRTAC
Mənzil təminatı əldə etməyə çalışdığımız hədəflərin mərkəzində dayanır. O, emissiya modellərini formalaşdırır, kimin iqlim riskinə məruz qaldığını və kimin ondan qorunduğunu müəyyən edir. Bu, şəhər daxilindəki ədalətliliyi və inklüzivliyi əks etdirir. Şəhər iqlim fəaliyyətinə yönəlmiş hər hansı etibarlı və səmərəli yanaşma mənzil məsələsini öz mərkəzinə qoymursa, o, tam sayıla bilməz.
AZƏRTAC xəbər verir ki, bu sözləri WUF13 çərçivəsində keçirilən “Şəhər iqlim fəaliyyəti və davamlı urbanizasiya üzrə Bakı Davamlılıq Koalisiyası”nın yüksəksəviyyəli iclasında Dövlət Şəhərsalma və Arxitektura Komitəsinin sədri Anar Quliyev deyib.
O qeyd edib ki, Bakı Davamlılıq Koalisiyası bu mürəkkəbliklər nəzərə alınmaqla layihələndirilib. Bu koalisiya siyasətdən icraya keçid üçün lazım olan milli, yerli və sahəvi aktorları bir araya gətirir.
“Azərbaycan bu məsuliyyəti böyük ciddiyyətlə qəbul edir. Biz WUF13-ə, sadəcə, ev sahibi kimi deyil, həm də kollektiv şəkildə irəli apardığımız gündəliyin fəal iştirakçısı kimi yanaşırıq. Yaşıl enerji, davamlı tikinti və iqlimədavamlı şəhərsalma üzrə milli öhdəliklərimiz də bu yanaşmanın tərkib hissəsidir”, – deyə Anar Quliyev vurğulayıb.
Bölmənin digər xəbərləri
