Hindistan təmsilçisi: Azərbaycanın şəhərsalma təcrübəsindən çox şey öyrənmək mümkündür
Bakı, 19 may, AZƏRTAC
Bakının infrastrukturunun digər ölkələrdə tətbiq olunması mümkündür. Çünki Bakının infrastrukturu müasir, davamlı, səmərəli və çox gözəldir.
Bu sözləri AZƏRTAC-a məxsusi müsahibəsində BMT-nin Ümumdünya Şəhərsalma Forumunun 13-cü Sessiyasının (WUF13) iştirakçısı, Hindistanın Mənzil və Şəhərsalma İnkişafı Korporasiyasının nümayəndəsi Akşaya Kumar Sen deyib.
O qeyd edib ki, Bakının infrastruktur təcrübəsi dünyanın müxtəlif ölkələri, o cümlədən Hindistan kimi inkişaf etməkdə olan və inkişaf etmiş dövlətlər üçün nümunə ola bilər. “Hazırda Hindistanın 2047-ci ilə qədər inkişaf etmiş ölkəyə çevrilmək kimi bir vizyonu var. Bu baxımdan Azərbaycanın təcrübəsindən, xüsusilə Bakının infrastruktur modelindən öyrənəcəyimiz çox şey var. Burada möhtəşəm infrastruktur, müasir yollar və gözəl binalar mövcuddur. Ona görə də bu təcrübəni davam etdirərək öz ölkəmizdə də tətbiq etməyə çalışacağıq”, – deyə WUF13-ün iştirakçısı bildirib.
Bölmənin digər xəbərləri
