Nazir müavini: Azərbaycan Xəzər dənizi ilə bağlı mühüm təşəbbüslər irəli sürür
Bakı, 19 may, AZƏRTAC
Dünyanın bir çox regionu kimi, Xəzər hövzəsi də iqlim dəyişikliyinə ən həssas ərazilərdən biridir. Temperaturun artması, su ehtiyatlarının azalması, uzunmüddətli quraqlıq dövrləri, torpaqların deqradasiyası, biomüxtəlifliyin itirilməsi və ekstremal hava hadisələrinin artması region ölkələri üçün yeni çağırışlar yaradır.
AZƏRTAC xəbər verir ki, bunu ekologiya və təbii sərvətlər nazirinin birinci müavini Ağakərim Səmədzadə "Xəzər regionunda iqlimədavamlı şəhərlər və icmalar: Şəhər uyğunlaşması üçün şaquli iqlim maliyyələşdirilməsi" mövzusunda yüksəksəviyyəli dialoqda çıxışı zamanı deyib.
"Xüsusilə vurğulamaq istəyirəm ki, son illərdə Xəzər dənizinin səviyyəsinin azalması artıq ciddi ekoloji təhlükəyə çevrilib. Bu proses birbaşa sahil ekosistemlərinə, şəhər infrastrukturuna, balıqçılığa, logistika və turizm sahələrinə, həmçinin milyonlarla insanın yaşayış şəraitinə təsir göstərir. Xəzər dənizi səviyyəsində müşahidə olunan dəyişikliklər bir daha göstərir ki, region ölkələri adaptasiya tədbirlərini daha sürətlə, koordinasiyalı şəkildə və elmi əsaslarla həyata keçirməlidir. Azərbaycan üçün Xəzər dənizi strateji resurs olmaqla yanaşı, həm də ekoloji irs və həssas təbii sistemdir. Bu baxımdan ölkəmiz həm milli, həm də regional səviyyədə mühüm təşəbbüslər irəli sürür", - deyə Ağakərim Səmədzadə vurğulayıb.
Bölmənin digər xəbərləri
