Maskat Kollecinin nümayəndəsi: QHT-lərin əsas üstünlüyü müxtəlif sahələri bir araya gətirmələrindədir
Bakı, 19 may, AZƏRTAC
Biz “ağıllı” şəhərlər və insan potensialının inkişafı istiqamətində təşəbbüslər həyata keçiririk. Dövlət sektorunda çalışdığım dövrdə də texnologiyanın şəhər idarəçiliyində rolunun vacibliyini yaxından müşahidə etmişəm.
AZƏRTAC xəbər verir ki, bu fikirləri Omandakı Maskat Kollecinin Qəyyumlar Şurasının üzvü Leyla əl-Hədrami “Davamlı və inklüziv şəhər planlaşdırılması: qlobal tərəfdaşlıqlar və QHT-lərin qərarvermə prosesinə təsiri” mövzusunda paneldə çıxışı zamanı deyib.
O bildirib ki, qeyri-hökumət təşkilatları dövlət, özəl sektor, akademik dairələr, startap ekosistemi və cəmiyyət arasında əlaqələndirici platforma rolunu oynayır.
“QHT-lərin əsas üstünlüyü müxtəlif sahələri bir araya gətirmələrindədir. QHT-lər yalnız bir sektoru deyil, dövlət qurumlarını, özəl sektoru, akademik dairələri, startapları və cəmiyyəti bir çətir altında birləşdirir”, – deyə Leyla əl-Hədrami vurğulayıb.
Bölmənin digər xəbərləri
