Luis Qalyeqos: Şəhərlərin gələcəyi insanların ehtiyaclarına uyğun qurulmalıdır
Bakı, 19 may, AZƏRTAC
Şəhərlərin gələcəyi insanların ehtiyaclarına uyğun qurulmalı, inklüzivlik və sosial ədalət prinsiplərinə əsaslanmalıdır. WUF13 çərçivəsində həyata keçirilən təşəbbüslər Qlobal Cənub QHT Platformasını və müxtəlif ölkələrdən olan vətəndaş cəmiyyəti nümayəndələrini həmrəylik və əməkdaşlıq ruhu ətrafında bir araya gətirib.
AZƏRTAC xəbər verir ki, bu fikirləri Birləşmiş Millətlər Təşkilatının Təlim və Tədqiqat İnstitutunun Məsləhət Şurasının sədri Luis Qalyeqos Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “QHT Forumu: Qlobal tərəfdaşlıqlar və qərarvermə” mövzusunda keçirilən tədbirdə çıxışı zamanı səsləndirib.
O qeyd edib ki, qadınlar, kişilər və uşaqlar üçün uyğun şəhərlər qurmalıdır. “Eyni zamanda, yaşlı insanlar və əlilliyi olan şəxslərin ehtiyacları xüsusi diqqət mərkəzində saxlanılmalıdır. Qərar qəbuletmə prosesi çoxtərəfli əməkdaşlıq şəraitində mürəkkəb və məsuliyyətli vəzifədir. Bununla belə, BMT dünya problemlərinin həlli üçün mövcud olan ən vacib platformalardan biridir və QHT-lər də bu prosesin ayrılmaz hissəsi olmalıdır”, – deyə Luis Qalyeqos əlavə edib.
Bölmənin digər xəbərləri
