“MAKKABİ” ÜMUMDÜNYA İDMAN CƏMİYYƏTİNİN RƏHBƏRLƏRİ AZƏRBAYCANA GƏLƏCƏKLƏR
Bakı, 29 yanvar (AZƏRTAC). Bu payız Bakıda “Makkabi-Azərbaycan” yəhudi mədəni-idman cəmiyyətinin yaradılmasının 10 illiyinə həsr olunmuş beynəlxalq konfrans və şahmat turniri keçiriləcəkdir. Turnirdə 8-dən çox ölkədən idmançılar iştirak edəcəklər. İsrail, Rusiya, Hindistan və CAR artıq öz iştirakını təsdiq etmişdir.
“Makkabi” Ümumdünya İdman Cəmiyyətinin prezidenti Makkabi Karaso, “Makkabi” Avropa Cəmiyyətinin prezidenti Mordexay Listiqman, “Makkabi”nin baş direktoru Eyal Tiberger yubiley tədbirlərində fəxri qonaq qismində iştirak edəcəklər.
“Makkabi-Azərbaycan” cəmiyyətinin baş direktoru Gennadi Gelman qeyd etmişdir ki, Azərbaycan Milli Olimpiya Komitəsinin himayəsi ilə keçiriləcək və cəmiyyətin 10 illiyinə həsr olunacaq tədbir, şübhəsiz ki, Azərbaycan-İsrail arasında mədəniyyət və idman sahəsində əməkdaşlığın inkişafına güclü təkan verəcəkdir.
Bölmənin digər xəbərləri
