“Maklaren” komandasının pilotu Vandorn Formula E-yə keçəcək
Bakı, 16 oktyabr, AZƏRTAC
Cari mövsüm başa çatandan sonra “Maklaren” komandasının pilotu Vandorn Formula E-yə keçəcək.
AZƏRTAC xəbər verir ki, belçikalı pilot yeni mövsümdən etibarən “Mercedes”in törəmə komandası olan “HWA Racelab”ın heyətində çıxış edəcək. Növbəti mövsüm bu komanda üçün debüt olacaq.
Formula E-nin tvitter səhifəsində deyilir: “Formula E-yə xoş gəlmisən, Stoffel”.
Formula 1 yarışlarının cari mövsümündə Vandorn üç dəfə ilk onluğa düşərək 8 bal toplayıb. Hazırda Stoffel çempionlar yarışında 16-cı yerdədir.
Yeni komandada Vandornun partnyoru olacaq Geri Paffett iki dəfə DTM çempionu olub. Xatırladaq ki, növbəti mövsümdə “Maklaren”in pilotları Karlos Saynts və Landro Norris olacaq.
Bir qədər əvvəl xəbər verilmişdi ki, Stoffel karyerasını IndyCa komandasında davam etdirmək variantlarını öyrənib, lakin bu seriyada özü üçün münasib variant tapmayıb.
Bölmənin digər xəbərləri
