Maltanın “Valletta” klubu yamaykalı atlet Useyn Bolta ikiillik müqavilə təklif edib
Bakı, 16 oktyabr, AZƏRTAC
Bu yaxınlarda futbol karyerasına başlayan və hazırda Avstraliyanın “Sentral Kost Mariners” komandasında çıxış edən atletika üzrə səkkiz dəfə Olimpiya çempionu Useyn Bolta ikiillik müqavilə təklif edən Avropa klubunun adı məlum olub.
AZƏRTAC xəbər verir ki, yaxın illərdə UEFA Çempionlar Liqasının qrup mərhələsində mübarizə aparmağı hədəfləyən Maltanın “Valletta” klubu yamaykalı futbolçunu heyətinə qatmaq istəyir. Klub Boltu dekabrın 13-də keçiriləcək Malta Superkuboku uğrunda görüşə qədər transfer etməyi planlaşdırır.
“Valletta”nın prezidenti Qasston Slimen bununla bağlı deyib: “Biz klubumuzda əsl çempionu görməkdən hər an şadıq. “Valetta”da hər kəs inanır ki, mümkünsüz heç nə yoxdur”.
Useyn Bolt avqustun əvvəlində Avstraliyanın “Sentral Kost Mariners” klubu ilə müddətsiz müqavilə bağlayıb. Bu, yamaykalıya peşəkar müqavilə imzalamağa zəmanət vermir. H.Bolt avqustun sonunda klubda debüt edib.
Bölmənin digər xəbərləri
