Moskva, 11 sentyabr, AZƏRTAC

Rusiya sərhədçilərinin Ermənistanda fəaliyyətini nizama salan əsas sənəd – Rusiya Federasiyası sərhəd qoşunlarının statusu haqqında ikitərəfli saziş müddətsizdir.

AZƏRTAC xəbər verir ki, bu barədə Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova Moskvada keçirilən brifinqdə bildirib.

O, Rusiya sərhədçilərinin artıq 30 ildən çoxdur Ermənistan Respublikasının sərhədini qoruduğunu və mövcudluğuna olan tələbatı dəfələrlə təsdiqlədiyini vurğulayaraq, sərhədçilərin Ermənistan ərazisini tərk etmələrinin bu ölkənin təhlükəsizliyinə mənfi təsir göstərəcəyini diqqətə çatdırıb.

Fəridə Abdullayeva

AZƏRTAC-ıs xüsusi müxbiri

Moskva