Mayk Conson yenidən Nümayəndələr Palatasının spikeri seçilib
Vaşinqton, 4 yanvar, AZƏRTAC
Respublikaçılar Partiyasının təmsilçisi Mayk Conson ilkin səsvermədə yenidən Nümayəndələr Palatasının spikeri seçilib.
AZƏRTAC-ın məlumatına görə, partiya nümayəndələrindən 3-ü onun əleyhinə səs versələr də, son anda M.Consonu dəstəkləmək üçün səslərini dəyişiblər. O, 218 səslə qalib gəlib. Ümumilikdə Nümayəndələr Palatası 435 təmsilçidən ibarətdir.
Conson son 100 ildə Nümayəndələr Palatasında ən az səslə qalib gələnlərdən olub. Bu isə onun Konqresdə bəzi çətinliklərlə üzləşəcəyi ehtimallarını artırır. ABŞ-ın yeni seçilmiş Prezidenti Donald Tramp da Mayk Consonun namizədliyini dəstəkləyib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
