MƏDƏNİ İRSİN QORUNMASI LAYİHƏSİ ÇƏRÇİVƏSİNDƏ BƏRPA İŞLƏRİ DAVAM ETDİRİLİR

26.10.2006 [10:49]
Çap et
A⁺ A^-

Mədəni İrsin Qorunması Layihəsinin işçi qrupundan AZƏRTAC-a bildirmişlər ki, Azərbaycan hökuməti ilə Beynəlxalq İnkişaf Assosiasiyası arasında bağlanmış Kredit Sazişi əsasında fəaliyyət göstərən qurum son illər ərzində bir sıra işlər görmüşdür. Şirvanşahlar Sarayı kompleksində Şirvanşahlar Saray binasının rekonstruksiyası, Divanxanada konservasiya, Şəki Xan sarayının bərpası başa çatdırılmış, İçərişəhərdə İcma festivalı keçirilmişdir.

Hazırda layihə çərçivəsində Şirvanşahlar Sarayı kompleksində Şah məscidi konservasiya olunur. Bərpa işləri İtaliyanın AR s.r.l şirkəti mütəxəssislərinin iştirakı ilə aparılır. Abidənin divarları çirkdən və bioloji mamırdan təmizlənir, zədələnmiş daşlar kimyəvi üsullarla bərpa edilir, minarənin statik möhkəmləndirilməsi, qapı və pəncərələrin bərpası kimi işlər həyata keçirilir.

Şah ovdanı Şirvanşahlar Sarayı kompleksindən kənarda yerləşsə də, Şirvanşahlar Sarayı kompleksinə aid olan 9-cu abidədir. İllərlə həmin ovdandan zibilxana kimi istifadə olunurdu. Hazırda ovdan zibil və lildən təmizlənib. Ancaq ovdanın divarlarından içəri yenə də çirkab axır. Konservasiya olunarkən ovdanın divarları təmizlənir və möhkəmləndirilir, aşkar edilən çirkab xətləri təmir olunur.

MƏDƏNİ İRSİN QORUNMASI LAYİHƏSİ ÇƏRÇİVƏSİNDƏ BƏRPA İŞLƏRİ DAVAM ETDİRİLİR

MÜƏLLİFLƏ ƏLAQƏ

Bölmənin digər xəbərləri