Meksikada gecə klubuna hücum nəticəsində azı 15 nəfər ölüb
Bakı, 9 mart, AZƏRTAC
Meksikanın Salamanka şəhərində (Quanaxyato ştatı) gecə klubuna silahlı hücum nəticəsində azı 15 nəfər həlak olub, 5 nəfər isə yaralanıb.
AZƏRTAC xəbər verir ki, Milenio qəzetinin yerli hakimiyyət orqanlarına istinadla yaydığı məlumata görə, bir qrup silahlı şəxs La Playa gecə klubuna soxularaq binadakı insanları atəşə tutub. Şahidlər bildiriblər ki, hücum anında klubda 20-dən çox insan olub. Zərər çəkənlərin vəziyyəti barədə informasiya verilmir.
Polislər dərhal hadisə yerinə gəlib, lakin hücum edənlər avtomobillə klubdan uzaqlaşaraq gizlənə biliblər.
Hələlik hadisənin digər təfərrüatları məlum deyil.
Bölmənin digər xəbərləri
