MƏKTƏBDƏ DİN HAQQINDA BİLİKLƏR FAKÜLTATİV QAYDADA VERİLMƏLİDİR
RMŞ sədrinin müavini Dəmir Gizatullin agentliyə müsahibəsində demişdir: “Bu məsələdə Müftilər Şurasının mövqeyi dəyişməz qalır. Zənnimizcə, “Pravoslav mədəniyyətinin əsasları”nı və ya “İslam mədəniyyətinin əsasları”nı ayrı-ayrılıqda deyil, bütün dinləri həm də fakültativ qaydada tədris etmək lazımdır. Onlar vahid kitabdan ibarət olmalıdır. Əks halda, tolerantlıq tərbiyəsi təhlükə ilə qarşılaşa bilər”.
Rusiya Müftilər Şurası “Pravoslav mədəniyyətinin əsasları”nın dövlət və bələdiyyə məktəblərində tədrisi məsələsi ilə əlaqədar hələ martda bəyanat vermişdir. Bəyanatda deyilir ki, “bu cür praktika RF Konstitusiyası və qanunlarının dinlərin bərabərliyinə dair müddəalarını pozacaqdır”.
Müftilərin fikrincə, dövlət məktəbində “Rusiyanın ənənəvi dinlərinin tarixi” tədris edilməlidir. Bu zaman dərslər moizə xarakteri daşımamalı və bir dinin digər dindən üstünlüyünü təbliğ etməməlidir.
RMŞ-nin sənədində vurğulanır ki, bu fənn üzrə dərslik Rusiyanın bütün ənənəvi dinlərinin başçıları tərəfindən bəyənilməlidir.
Moskvanın və bütün Rusiyanın patriarxı II Aleksi isə avqustun 30-da jurnalistlərlə söhbətində bir daha bildirmişdir ki, Rusiya məktəblərində kulturoloji fənn kimi “Pravoslav mədəniyyətinin əsasları”nı tədris etmək lazımdır. O demişdir: “Əgər ölkəmizdə digər dinlərə etiqad edən insanlar yaşayırlarsa, əlbəttə, onlar öz mədəniyyətini öyrənməli və eyni zamanda, yaşadıqları ölkənin mədəniyyətini də bilməlidirlər”.
Bölmənin digər xəbərləri
