Merilend Universitetinin dosenti: Azərbaycanın multikulturalizm üslubunu çox təqdir edirəm
Bakı, 9 mart, AZƏRTAC
Azərbaycanın müxtəlif dinləri və fərqli mədəniyyətləri bir araya gətirməsi, eyni zamanda, islamofobiya problemini aradan qaldırmağa çalışması baxımından multikulturalizm üslubunu çox təqdir edirəm.
Bu fikirləri AZƏRTAC-a açıqlamasında Bakıda keçirilən islamofobiya ilə mübarizəyə həsr olunan beynəlxalq konfransın iştirakçısı Merilend Universitetinin Kommunikasiya departamentinin dosenti Səhər Xamis deyib.
O, Azərbaycan hökuməti, həmçinin Bakı Beynəlxalq Multikulturalizm Mərkəzi tərəfindən bu xüsusi konfransın təşkilinin dünyanın müxtəlif yerlərindən alimləri, mütəfəkkirləri və insanları bir araya gətirmək üçün düzgün istiqamətdə atılmış addım olduğunu bildirib: "Bu beynəlxalq konfrans siyasi, sosial, iqtisadi və mədəni baxımdan islamofobiyaya qarşı mübarizə aparmaq üçün mühüm platformadır. Mən bunu düzgün istiqamətdə atılmış olduqca vacib addım kimi qiymətləndirirəm. Ümid edirəm ki, bu mühüm təşəbbüsü davam etdirən başqa addımlar da olacaq. İslamofobiya ilə mübarizə sahəsində çoxlu təcrübəyə malik bir çox insanı bir araya gətirən bu mühüm konfransın təşkilatçılarına xüsusilə təşəkkür edirəm və burada iştirakçı olmağıma görə çox xoşbəxtəm".
Bölmənin digər xəbərləri
