MƏRKƏZİ SEÇKİ KOMİSSİYASININ NÖVBƏTİ İCLASI OLMUŞDUR
Əvvəlcə komissiyanın katibi Natiq Məmmədov “Bələdiyyə üzvlüyünə namizədlərin qeydə alınması üçün dairə seçki komissiyalarına təqdim olunan seçki sənədlərində və imza vərəqələrindəki məlumatların düzgünlüyünün yoxlanılması məqsədi ilə müvafiq dairə seçki komissiyası tərəfindən yaradılmış işçi qrupu haqqında” Əsasnamənin, “Namizədliyin irəli sürülməsi və qeydə alınması zamanı təqdim olunan sənədlərdə, habelə imza vərəqələrində olan məlumatların düzgünlüyünün seçki komissiyaları tərəfindən yoxlanılması” Qaydalarının, “Bələdiyyə seçkilərində xüsusi seçki hesablarının açılmasının və aparılmasının uçotu, hesabatı qaydası, habelə namizədlərin, qeydə alınmış namizədlərin, siyasi partiyaların, siyasi partiya bloklarının seçki fondlarına vəsaitin daxil olması və xərclənməsi qaydaları haqqında” Təlimatın, “Azərbaycan Respublikasında daimi yaşayan, vətəndaşlığı olmayan şəxslərin və əcnəbilərin bələdiyyə seçkilərində iştirakına dair” Təlimatın, “Azərbaycan Respublikası vətəndaşının bələdiyyə seçkilərində müşahidə aparması qaydaları haqqında” Təlimatın, “Azərbaycan Respublikasında bələdiyyə seçkilərində beynəlxalq (xarici) müşahidəçilərin fəaliyyət qaydaları haqqında” Təlimatın, “Bələdiyyə seçkilərinin hazırlanmasına və keçirilməsinə dövlət büdcəsindən ayrılan maliyyə vəsaitlərinin seçki komissiyaları arasında bölüşdürülməsi, göstərilən vəsaitlərdən təyinatı üzrə istifadəyə nəzarət edilməsi qaydaları haqqında” Təlimatın təsdiqinə dair məsələ barədə məlumat vermişdir. MSK bu sənədlərin təsdiq olunması haqqında qərarlar çıxarmışdır.
İclasda “Azərbaycan Respublikasının bələdiyyə seçkilərində seçki məntəqəsində səslərin hesablanması və səsvermənin nəticələri haqqında məntəqə seçki komissiyasının Yekun Protokolunun doldurulması qaydaları haqqında” İzaha və “Azərbaycan Respublikasının bələdiyyə seçkilərində səsvermənin nəticələri haqqında dairə seçki komissiyasının bələdiyyə üzrə yekun protokolunun doldurulması qaydası haqqında” İzaha əlavə dəyişikliklərin edilməsinə, MSK-nın 2006-ci il 7 iyun tarixli qərarı ilə təsdiq edilmiş “Bələdiyyə seçkilərində namizədlərin siyasi partiyalar və siyasi partiyalar blokları tərəfindən irəli sürülməsi qaydaları haqqında” Təlimata əlavə edilməsinə dair məsələyə baxılmış, MSK bu sənədlərin təsdiq olunması haqqında qərarlar qəbul etmişdir.
Sonra MSK-nın 2004-cü il 2 sentyabr tarixli qərarı ilə təsdiq edilmiş “İmza vərəqələrində, habelə namizədlərin, siyasi partiyaların, siyasi partiyalar blokunun təqdim etdikləri sənədlərdə olan məlumatların düzgünlüyünün seçki komissiyaları tərəfindən yoxlanılması” Qaydalarının, MSK-nın 2004-cü il 28 avqust tarixli qərarı ilə təsdiq edilmiş “Bələdiyyə seçkilərində xüsusi seçki hesablarının açılmasının və aparılmasının uçotu, hesabatı qaydası, habelə namizədlərin, qeydə alınmış namizədlərin, siyasi partiyaların, siyasi partiya bloklarının seçki fondlarına vəsaitin daxil olması və xərclənməsi qaydaları haaqında” Təlimatın, MSK-nın 2004-cü il 28 avqust tarixli qərarı ilə təsdiq edilmiş “Bələdiyyə seçkilərinin hazırlanmasına və keçirilməsinə dövlət büdcəsindən ayrılan maliyyə vəsaitlərinin seçki komissiyaları arasında bölüşdürülməsi, göstərilən vəsaitlərdən təyinatı üzrə istifadəyə, eləcə də qeydə alınmış bələdiyyə üzvlüyünə namizədlərin seçki fondlarına daxil olmuş vəsaitlərdən istifadəyə nəzarət edilməsi qaydaları haqqında” Təlimatın qüvvədən düşməsi haqqında qərarlar çıxarılmışdır.
Komissiya 7 saylı Ordubad-Culfa və 31 saylı Suraxanı ikinci seçki dairələri dairə seçki komissiyalarının tərkibində dəyişikliklər edilməsi haqqında da qərarlar qəbul etmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında beynəlxalq təşkilatların, kütləvi informasiya vasitələrinin nümayəndələri iştirak etmişlər.
Bölmənin digər xəbərləri
