MİLAD GECƏSİNDƏ DÖRD ƏKİZ UŞAQ DÜNYAYA GÖZ AÇMIŞDIR
AZƏRTAC-ın xüsusi müxbiri Almaniya KİV-lərinə istinadla xəbər verir ki, dekabrın 25-də - Miladın başlandığı müqəddəs gecədə Almaniyanın Aşağı Saksoniya əyalətinin Qöttinqen şəhərində 31 yaşlı qadın dörd uşaq dünyaya gətirmişdir. Televiziya ekranları qarşısında uşaqların məhz müqəddəs gecədə kilsə zənglərinin sədaları altında dünyaya göz açmasından məmnun qaldığını sevinclə bildirən 36 yaşlı ata demişdir ki, bundan əvvəl üç uşağımız vardı. Arzumuz onların sayını dördə çatdırmaq idi. İlahi bu müqəddəs gecədə ailəmizə arzu etdiyimiz bir uşaq əvəzinə dördünü bəxş etmişdir. Dörd əkizi Lara-Karolina, Kimberli-Jone, Jenni-Taylor və Levin-Cefri adlandıracağıq.
Bölmənin digər xəbərləri
