Milli Arxiv İdarəsi “Bir Pəncərə” sistemi vasitəsilə 9 mindən çox vətəndaşa xidmət göstərib
Bakı, 7 mart, AZƏRTAC
Milli Arxiv İdarəsinin təqdim etdiyi dövlət xidmətləri üzrə, “ASAN xidmət” mərkəzlərində rəhbər tutulan fəaliyyət prinsipləri və şəffaflıq standartlarının tətbiqi ilə əlaqədar “Bir Pəncərə” sistemi vasitəsilə ötən il 9 min 414 vətəndaşa şəffaf xidmət göstərilib.
İdarədən AZƏRTAC-a bildirilib ki, 6 min 855 nəfər arxiv arayışı və çıxarışı, o cümlədən arxiv sənədlərinin təsdiq edilmiş surətləri üçün müraciət edib.
Qeyd edək ki, hazırda Azərbaycan Respublikası dövlət arxiv xidməti sisteminə bilavasitə Milli Arxiv İdarəsinə tabe olan 6 dövlət arxivi, Dövlət Arxivinin 15 filialı, Naxçıvan Muxtar Respublikasının Dövlət Arxivi, habelə 57 rayon və şəhər dövlət arxivləri və bir təsərrüfat hesablı İdarə Sənədlərini Qaydaya Salan Mərkəz daxildir.
Bölmənin digər xəbərləri
