MİLLİ MƏCLİSDƏ GÖRÜŞ
Azərbaycanın dünyanın mötəbər beynəlxalq təşkilatları, o cümlədən Qara Dəniz İqtisadi Əməkdaşlıq Təşkilatı Parlament Assambleyası ilə əlaqələrin inkişafına böyük önəm verdiyini vurğulayan Milli Məclisin sədri O.Əsədov qeyd etmişdir ki, bu təşkilata üzv öləkələrlə əməkdaşlığın genişləndirilməsi regionda təhlükəsizliyin möhkəmləndirilməsi və iqtisadi yüksəliş baxımından çox əhəmiyyətlidir.
Görüşdə belə bir fikir vurğulanmışdır ki, Qara Dəniz İqtisadi Əməkdaşlıq Təşkilatı XXVIII baş məclisinin ümumi iclası bu il noyabrın 21-23-də Bakıda keçiriləcəkdir. Təşkilata rəhbərlik edən tərəf kimi Azərbaycan qurumun növbəti XXVIII ümumi sessiyası ilə bağlı təşkilati məsələləri öz üzərinə götürmüşdür. Parlamentin spikeri həm də növbəti dövrdə qurumun sədri kimi ümumi iclasa hazırlıq işləri, onun bürosunun, daimi komitəsinin çağırılması məsələləri ilə maraqlanmış, habelə müşahidəçi ölkələrin parlament sədrlərinə və beynəlxalq parlament təşkilatlarının rəhbərlərinə üzv dövlətlərin dəvət məktublarını imzalamışdır.
Görüşdə Qara Dəniz İqtisadi Əməkdaşlıq Təşkilatı Parlament Assambleyasının XXVIII ümumi sessiyasının gündəliyi və tərəfləri maraqlandıran digər məsələlər barəsində fikir mübadiləsi aparılmışdır.
Bölmənin digər xəbərləri
