MİNGƏÇEVİRDƏ FUTBOL HAKİMLƏRİ ÜÇÜN SEMİNAR KEÇİRİLMİŞDİR
AFFA-dan AZƏRTAC-a bildirmişlər ki, qurumun hakimlər komitəsinin sədri Xaqani Məmmədov və Futbol Hakimləri Birliyinin sədri Gülağa Cabbarov Mingəçevirə səfər etmişlər. Səfərdən məqsəd hakimlər üçün regionlarda seminar və təlim-məşq toplanışlarının təşkil olunmasıdır. Mingəçevirdə keçirilən toplanışda bu şəhəri, Şəki, Qax və Yevlax rayonlarını təmsil edən 15 hakim iştirak etmişdir.
Seminarda FİFA-nın və UEFA-nın oyun qaydaları barədə son təlimatlar diqqətə çatdırılmışdır. Sonra Çempionlar Liqasının son mövsümündə keçirilən bəzi oyunların epizodlarının videoyazısına baxış olmuş, və hakimlərin verdikləri müxtəlif qərarlar şərh edilmişdir.
Seminarın sonunda hakimlər FİFA-nın “Kuper testi” əsasında normativlər vermişlər. Seminarda iştirak edən hakimlərə yeni geyim dəstləri və oyun qaydaları ilə bağlı ədəbiyyat hədiyyə edilmişdir.
Bölmənin digər xəbərləri
