Misir prezidenti seçkilərində iki namizəd iştirak edəcəkdir
Qahirə, 21 aprel (AZƏRTAC). May ayında Misirdə keçiriləcək prezident seçkilərində cəmi iki namizəd iştirak edəcəkdir. Bu barədə Ali Seçki Komissiyasının baş katibi Əbdül Əziz Salman məlumat vermişdir. O bildirmişdir ki, ərizələrin qəbul edilməsi vaxtı bitənə qədər iki namizəd seçkilərdə iştirak etmək arzusunda olduğunu bildirmişdir. Misirin sabiq müdafiə və hərbi sənaye naziri Əbdülfəttah Sisi 188,9 min təsdiqlənmiş imza vərəqi (azı 25 min vərəq tələb olunur), Misir parlamentinin sabiq deputatı, nasirçi sosialist Həmdin Səbahi isə 31,6 min təsdiqlənmiş imza vərəqi təqdim etmişlər.
Qeyd edək ki, prezident seçkiləri mayın 26-27-də keçiriləcəkdir.
Asya Hacızadə
AZƏRTAC -ın xüsusi müxbiri
Qahirə
Bölmənin digər xəbərləri
