Şəhərsalma Kvesti: “Sea Breeze”i kəşf edin
Bakı, 13 may, AZƏRTAC
Sea Breeze “Şəhərsalma Kvesti: “Sea Breeze”i kəşf edin” adlı yeni interaktiv şəhər kvestinə start verir. Layihə qonaqları və rezidentləri ərazinin əsas məkanları və özünəməxsus xüsusiyyətləri ilə tanış etməyə yönəlib və şəhərsalmanı, oyun elementlərini, məkanın kəşfini bir araya gətirir.
AZƏRTAC xəbər verir ki, “Sea Breeze”in 20 illiyinə həsr edilən layihə Ümumdünya Şəhərsalma Forumunun On Üçüncü Sessiyası (WUF13) ərəfəsində keçirilən “Bakı Şəhərsalma Həftəsi” çərçivəsində təşkil olunur.
Şəhərsalma kvesti komfortlu, dayanıqlı və gələcəyə yönəlmiş şəhərin necə ola biləcəyinə yeni perspektiv qazandırır və “Sea Breeze”i inkişaf etmiş infrastrukturu, təhlükəsiz və təmiz ictimai məkanları, müxtəlif yaşayış növləri və şəhər inkişafına müasir yanaşması ilə formalaşan şəhər mühiti kimi təqdim edir.
Kvest marşrutu 20-dən çox məkanı əhatə edir və hər biri iştirakçıları “Sea Breeze”in maraqlı faktları və əsas xüsusiyyətləri ilə tanış edir. Hazırlanmış marşrut və tapşırıqlar vasitəsilə iştirakçılar kurort şəhərin memarlıq, infrastruktur, təbiət, texnologiya və mədəni həyat tərzini birləşdirən vahid ekosistem kimi necə formalaşdığını daha yaxından müşahidə edirlər. Kvestin tamamlanması təxminən 2 saat çəkir. Marşrut boyunca bəzi dayanacaqlarda iştirakçılar üçün kiçik hədiyyələr təqdim olunacaq, uğurla tamamlayanlar isə əlavə mükafatlar qazanacaqlar.
Şəhər mühiti ilə qarşılıqlı əlaqəyə əsaslanan oyun formatları getdikcə daha çox maraq doğurur və məkanı kəşf etməyin yeni üsulunu təqdim edir. “Running City” layihəsinin formatından ilhamlanan şəhərsalma kvesti “Sea Breeze” ərazisində ilk dəfə həyata keçirilir.
Kvest mayın 11-22-də hər kəs üçün açıqdır. Marşrut “The Grand” apart-otelindən başlayır. Əvvəlcədən qeydiyyat tələb olunmur.
Bölmənin digər xəbərləri
