Rəşad Əzizov: Süni zəkanın yaradıcı insanı əvəzləmək kimi bir təhlükəsi yoxdur
Bakı, 13 may, AZƏRTAC
Kino hər zaman olduğu kimi, bu gün də ən güclü mədəni təbliğat alətlərindən biridir. Müasir dövrün əsas çağırışları, şübhəsiz, qabaqcıl texnologiya və süni zəkadır.
AZƏRTAC xəbər verir ki, bunu Azərbaycan Respublikasının Kino Agentliyinin baş direktoru Rəşad Əzizov mayın 13-də Bakıda Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Mədəni irs və müasir texnologiyalar: Rəqəmsal həllərin tətbiqi” adlı panel sessiyada deyib.
"Əgər biz Azərbaycanda süni zəka vasitəsilə audiovizual məzmun yaradırıqsa, o məzmun mütləq Azərbaycanın mədəni-tarixi keçmişinə əsaslanmalıdır. Əks halda, bu, faydasız olacaq. Biz zaman-zaman görürük ki, peşəkar kino adamları süni zəkaya qarşı çıxırlar. Məsələn, nüfuzlu Oskar mükafatında artıq süni zəka vasitəsilə yaradılmış məzmunlara qadağa var. Süni zəkanın yaradıcı insanı əvəzləmək kimi bir təhlükəsi yoxdur", - deyə R.Əzizov qeyd edib.
Bölmənin digər xəbərləri
