Misirdə yük avtomobili ilə mikroavtobus toqquşub, 18 nəfər həlak olub
Qahirə, 20 fevral, AZƏRTAC
Misirin Port Səid vilayətində 18 nəfərin ölümü və üç nəfərin yaralanması ilə nəticələnmiş yol-nəqliyyat hadisəsi baş verib.
AZƏRTAC yerli mediaya istinadla xəbər verir ki, ağır tonnajlı yük maşını yaxınlıqdakı balıq vətəgəsinə işçiləri aparan mikroavtobusla toqquşub.
Misirin əmək naziri faciə qurbanlarının ailələrinə təcili yardım edilməsi barədə göstəriş verib.
Ümumiyyətlə, Misirdə yol-nəqliyyat hadisələrinin sayı artıb. Rəsmi statistikaya görə, 2019-2023-cü illər arasında ölkə yollarında baş vermiş hadisələr nəticəsində 33 mindən çox şəxs həyatını itirib, 315 min nəfər isə yaralanıb.
2024-cü ildə yol-nəqliyyat hadisələri nəticəsində 76 min 362 nəfər yaralanıb ki, bu da 2023-cü illə müqayisədə 7.5 faiz çoxdur.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
