MOBİL TELEFONLA DANIŞAN SÜRÜCÜ SƏRXOŞ SÜRÜCÜDƏN AZ TƏHLÜKƏLİ DEYİLDİR
AZƏRTAC İTAR-TASS-a istinadla xəbər verir ki, avtotrenajorda 40 kişi və qadın üzərində aparılan eksperimentin nəticələrinə görə, mobil aparatla əlləri məşğul etməmək üçün xüsusi qurğudan istifadə edən sürücülər də təhlükəsiz deyillər. Tədqiqatın müəlliflərindən biri olan psixoloq Frank Dryusun sözlərinə görə, sükan arxasında telefonla danışan sürücünün avtomobili necə idarə edəcəyini əvvəlcədən bilmək çətindir. Telefonla danışan zaman insanlarda reaksiya ləngiyir, onlar yolla düz getmir, ya geri qalır, ya da qarşıdakı avtomobilə çox yaxınlaşırlar.
Tədqiqatçıların hesablamalarına görə, maşında telefonla danışmaq reaksiyanı 70 millisaniyə ləngidir ki, bu da, xüsusilə, sürət saatda 80 kilometr və daha çox olduqda ciddi nəticələr verə bilər.
Bölmənin digər xəbərləri
