MOLDOVA ALİ MƏKTƏBLƏRİNİN HƏR SƏKKİZ MƏZUNUNDAN YALNIZ BİRİ İXTİSASI ÜZRƏ İŞƏ DÜZƏLƏ BİLİR
AZƏRTAC-ın Kişinyovdan aldığı xəbərə görə, bunu jurnalistlərə Molodova Dövlət Universitetinin prorektoru Pyotr Qauqaş bildirmişdir. O demişdir: “Tələblə təklifdəki belə böyük fərq ali təhsil sistemi ilə əmək bazarı arasıda bilavasitə əlaqənin olmamasından irəli gəlir”. Qauqaşın sözlərinə görə, “hökumətin hər il təsdiq etdiyi qəbul planlarında yalnız pedaqoji kadrların, həkimlərin və mədəniyyət işçilərinin hazırlanması nəzərdə tutulur. İstehsal sahəsi üçün mütəxəssislərin hazırlanması, demək olar, planlaşdırılmır”.
Statistikaya görə, abituriyentlərin çoxu Moldovada dəbdə olan hüquq, iqtisadiyyat, memarlıq və mühasibat fakültələrinə daxil olur. Lakin əmək bazarında bu mütəxəssislərə ehtiyac yoxdur. Belə ki, müstəqillik illəri ərzində Moldovada 20-yə yaxın özəl ali məktəb açılmış, məzunların sayı isə bir neçə dəfə artmışdır.
Bölmənin digər xəbərləri
